Kastriot Dermaku tashmë është lojtar i Parmës.
Qendërmbrojtësi i Kombëtares shqiptare ka nënshkruar një kontratë 4-vjeçare me klubin e njohur italian të cilët militojnë në Serie A.
27-vjeçari transferohet te Parma me parametra zero ndërsa bëri një paraqitje shumë të mirë edicionin e kaluar me Cosenzan, duke u aktivizuar në 33 takime, 32 prej të cilave i nisi si titullar, dhe dukë shënuar një gol, atë të fitores minimale ndaj Spezias.
Gjithashtu Dermaku fitoi simpatinë e trajnerit të ri të Kombëtares Shqiptare, Edy Reja, i cili e vendosi si titullar në sfidën ndaj Islandës, kjo ndikuar edhe nga mungesa e Mërgim Mavrajt.
Kastriot Dermaku i shtohet kështu kolonisë së kuqezinjve në Serinë A, duke iu bashkuar Thomas Strakoshës, Etrit Berishës, Elseid hysajt, Berat Gjimshitit dhe Emanuele Ndojit.
