Vllaznia ditën e sotme ka zyrtarizuar një tjetër blerje në merkato.
Drejtuesit e klubit shkodran kanë rënë dakord që mbrojtësi maqedonas, Aleksandar Ristevski të jetë pjesë e skuadrës për sezonin e ardhshëm.
Administratori i klubit, Suad Lici, ka firmosur sot kontratën me këtë futbollist, duke e bërë tashmë pjesë të Vllaznisë dhe do të jetë pjesë për periudhën e kupave të Europës, nëse ajo e arrin një objektiv të tillë.
“Vllaznia i uron mirëseardhjen futbollistit Aleksandar Ristevski dhe premton që pas tij do të ketë edhe të tjerë lojtarë që do të vishen kuqeblu, pasi pretendimet e këtij emri të madh të futbollit shqiptar janë për ndërtimin e një ekipi cilësor për sezonin e ri futbollistik”, thuhet në reagimin zyrtar të Vllaznisë.
