Roma ishte në kërkim të një portieri, dhe atë e ka gjetur në Spanjë.
Pas performancave të dobëta të Robin Olsen, drejtuesit e Romës ishin hedhur në merkato për të gjetur një zëvendësues për portierin suedez. Verdhekuqtë kishin piketuar portierin e Real Betis, Pau Lopez, i cili pëlqehej edhe nga tekniku Foneska.
Pas kontakteve me drejtuesit spanjoll, verdhekuqtë kanë arritur një marrëveshje, dhe Lopez do të jetë një lojtar i Romës. 24-vjeçari do të marrë vendin e Olsen, dhe do t’i kushtojë arkave të Romës, rreth 18 milion euro.
Spanjolli sezonin e fundit u aktivizua tek Real Betis, të cilët e morën një vit më për 5 milionë euro nga Espanjoli. Ditën e nesërme janë planifikuar vizitat mjekësore, dhe më pas do të firmosen kontratat.