Një humbje zhgënjyese për Teutën e Bledi Shkëmbit, e cila është mposhtur me rezultatin 3-0 në transfertë ndaj letonezëve të Ventspilsit, në sfidën e vlefshme për raundin e parë të Ligës së Europës.
Vetëm 5 minuta iu mjaftuan vendasve për të gjetur rrugën e rrjetës me anë të sulmuesit Sergeiçuk, i cili godet bukur brenda zonës, duke kaluar në avantazh të tijët. Pavarësisht përpjekjeve të shumta në pjesën e parë, durrsakët nuk arritën të gjenin rrugën e rrjetës.
Ndërkohë në pjesën e dytë, rastet për skuadrën e Shkëmbit ishin me pikatore. Letonezët arritën të shënonin 2 herë të tjera me anë të Ulimbasevs në mkinutën e 78 dhe Tosin në të 88-tën.
Me këtë humbje, “djemve të detit” iu duhet një mrekulli në ndeshjen e kthimit në Durrës për të synuar kualifikimin për më tej.