Presidenti i Firentinës Rocco Commisso, vazhdimisht ka deklaruar se, Frederico Chiesa do të qëndrojë tek ekipi “Vjolë”.
Por lojtari raportohet se i ka shprehur klubit dëshirën për tu larguar dhe për t’iu bashkuar ekipit të Juventus.
Nicolo Schira nga Gazzetta Dello Sport, shkruan se 21 vjeçari nuk është i bindur nga projekti i Fiores dhe dëshiron largimin.
Schira shton se Chiesa po shqyrton një lëvizje në drejtim të Juventusit, duke ndjekur rrugën e Roberto Baggio dhe Federico Bernardeschi.
Chiesa ka shënuar 12 gola në 41 paraqitje në të gjitha garat në sezonin e kaluar.
