Zhoao Kanselo me shumë mundësi do të largohet nga Juventusi këtë merkato, dhe ofertat për të nuk mungojnë.
Anglezët e Mançester Sitit prej kohësh interesohen për lojtarin e Juventusit, por akoma nuk kanë mundur të arrijnë një marrëveshje.
“Zonja e vjetër”, kërkon 60 milionë euro për portugezin, shifër kjo që konsiderohet shumë e lartë nga Siti, të cilët ofrojnë shërbimet e mbrojtësit të tyre Danilo, për të ulur çmimin e lojtarit. Mirpo kjo afertë është refuzuar menjëherë nga bardhezinjtë, të cilët kërkojnë vetëm para dhe jo lojtarë të tjerë në marrëveshje.
Sipas “Corriere dello Sport”, në garë për shërbimet e mbrojtësit 25-vjeçar, është futur edhe Bajern Mynih, të cilët janë të gatshëm të paguajnë shumën që dëshiron Juventusi. Mesa duket e ardhmja e Kanselo do të jetë në Gjermani, dhe jo në Angli siç mendohej më parë.