Eliminimi i Argjentinës së Lionel Mesit nga gjysmëfinalet e Kupës së Amerikës e ka rikthyer Virgil van Dijk favoritin kryesor për të fituar “Topin e Artë”.
Sipas kompanive të basteve, fituesi i Champions Leagues me Liverpoolin është kandidati kryesor për të triumfuar në çmimim më prestigjioz në rangun individual.
Në vendin e dytë pozicionohet Lionel Messi, ndërsa në shkallën më të ulët të podiumit renditet Cristiano Ronaldo,shkruan tabloidi britanik “The SUN”.
Holandezi u shpall gjithashtu edhe lojtari më i mirë i sezonit në Premier Ligë dhe bëri lajm, duke mos u dribluar asnjëherë. Nëse mbrojtësi më i shtrenjtë në historinë e futbollit do të fitojë trofeun, atëherë 27-vjeçari do të bëhej futbollisti i parë i Liverpulit, që prej Michael Owen në 2001, që prek “Topin e Artë”.
