Milani luan mbrëmjen e sotme, ndeshjen e dytë në International Champions Cup, përballë Benfikës, në Boston të Shteteve të Bashkuara të Amerikës.
Tekniku Xhampaolo, në formacionin titullar të zgjedhur ndaj portugezëve, nuk ka aktivizuar asnjë nga blerjet e reja të verës, si Striniç apo Kruniç, ndërkohë që vija e parë e sulmit përbëhet nga Suso, Kastijeho dhe Piontek.
Kujtojmë që ndeshjen e parë ndaj Bajernit të Mynihut në këtë turne miqësor, Milani u mund me shifrat e ngushta 1-0.
Milan në minutën e 22 shfaqet rrezikshëm te porta e Benfikës. Në dy raste, Borini provon drejt portierit, por ky i fundit ia del të mbajë rrjetën pa tundur në të dyja rastet. Pas goditjes së dytë, Borini shkoi dhe për pak sa nuk u dëmtua tek reklamat anës fushës.
