Pol Pogba do të largohet nga Mançester Junajtid, dhe “djajtë e kuq”, janë në kërkim të zëvendësuesit të tij.
Sipas “SportMediaset”, drejtuesit e Junajtid kanë zgjedhur mesfushorin e Lacios, Milinkoviç-Saviç, si zëvendësuesin e 26-vjeçarit.
Lojtari serb pëlqehet shumë nga trajneri Solskjaer, dhe drejtuesit pritet t’ia plotësojnë këtë dëshirë. Anglezët mendohet se kanë bërë një ofertë, prej 75 milionë eurosh në drejtim të italianëve.
Për lojtarin skuadrat angleze interesoheshin edhe një vit më parë, por nuk arritën një marrëveshje për shkak të kërkesave të larta nga presidenti Lotito, i cili kërkonte 120 milionë euro për kartonin e 24-vjeçarit. Por, tani situata ka ndryshuar sepse lojtari kishte disa paraqitje të dobëta, dhe vlera e tij ka rënë.
