Sot në orën lokale të Shqipërisë 21:00 Argjentina e Leo Messit do të përballet me Kilin në ndeshjen që do të përcaktojë medaljen e bronztë në Kupën e Amerikës.
Argjentina u mposhtë me rezultatin 2-0 nga Brazili, në një gjysmëfinale e cila u diskutua gjatë, pas vendimeve kontroverse të gjyqtarit.
Sot, Messi me shokët synojnë që të lënë mënjanë humbjen përballë “Selecaove” dhe me një fitore eventuale të sigurojnë vendin e tretë.
Gjyqtari i këtij takimi që luhet në ‘Arena Corinthians’ do të jetë Mario Diaz de Vivar, nga Paraguai.
