Daniele Rugani nuk është në palnet e trajnerit Muarizio Sarri për sezonin e ardhshëm, dhe mund të largohet nga Juventusi.
Sipas asaj që shkruan “Corsport”, interes për mbrojtësin italian ka shfaqur Roma, të cilët e pëlqejnë shumë lojtarin. Lojtari nuk është në projektin e “zonjës së vjetër”, dhe një transferim tek verdhekuqtë do të ishte e mirë për të dyja palët.
Pas largimit të Manolas, tek mbrojtja e Romës ka mbetur një boshllëk i madh, dhe Rugani duket profili ideal për atë pozicion. Pas afrimit të De Ligt tek Juvntusi, reparti i mbrojtjes është i mbipopulluar, dhe do të dëgjojnë ofertat për mbrojtësin e tyre.
Gjithashtu edhe Rugani dëshiron që të mos e humbasë Euro2020, dhe mund të kalojë në një skuadër ku të aktivizohet më shumë, pasi mundësitë që të aktivizohet me bardhezinjtë janë shumë të pakta.
