Transferimi i Grizman te Barcelona, ka sjellë polemika në lidhje me dëshirën e Mesit për të mos e pasur në skuadër. Mediat spanjolle raportonin se argjentinasi nuk e donte në ekip, megjithatë klubi katalanas nënshkroi me të edhe pse me jo pak probleme.
Tashmë, kur kanë kaluar disa javë nga transferimi, sulmuesi argjentinas ende nuk ka kontaktuar me futbollistin francez. Legjenda braziliane, Rivaldo e ka cilësuar diçka normale këtë, duke qenë i bindur se nuk ka asnjë problem mes palëve dhe se Mesi do ta mirëpresë Grizmanin.
“Kur të vijë koha e duhur, Mesi do ta mirëpresë Grizmanin. Është normale për të që nuk e ka kontaktuar ose t’i ketë shkruar akoma, megjithëse është kapiten. Ai është me pushime dhe i ka dhënë prioritet kësaj pjese duke e shkëputur veten plotësisht nga futbolli këto kohë. Kur të rikthehet nga pushimet, do të bëhet njeri normal, i qetë dhe i përulur. Nuk ka asnjë problem mes tij dhe Grizman”, u shpreh Rivaldo.
