Gabriel Arias, portieri i Kilit bëri një gabim fatal në ndeshjen ndaj Perusë, gabim i cili solli golin e dytë për kundërshtarët, që kaluan në finale ndaj Brazilit.
Përveç mërzisë së tij për këtë gabim të rëndë, Arias është kërcënuar me jëtë në “Instagram”, nga shumë tifozë.
Siç raportojnë mediat e vendit të tij, ai është detyruar të mbyllë këtë rrjet social, pasi mesazhet kërcënuese ishin të shumta.
Nuk është rasti i parë që ndodh kjo gjë në Amerikën Latine, pasi mesazhe kërcënuese mori edhe Tesijo, lojtari që humbi penalltinë e Kolumbisë në sfidën me Kilin.
