Pas transferimit të Bisaka dhe Xhejms, tek Junajtid nuk kanë ndërmend të ndalen.
Sipas “The Sun”, drejtuesit e “djajve të kuq”, janë të interesuar për Bruno Fernandes. Anglezët kanë arritur një akord me 24-vjeçarin, i cili do të përfitojë 5.4 milionë euro në sezon. Por, problemi qëndron tek skuadra e tij aktuale, Sporting Lisbona.
Portugezët kërkojnë 50 milionë euro për ta lënë të lirë lojtarin dhe nuk do të pranojnë asnjë ofertë poshtë kësaj shume.
Drejtuesit anglezë, kanë ofruar 35 milionë euro, dhe kjo ofertë nuk pranohet nga Sporting Lisbona. Gjithësesi dëshira e lojtarit për t’u transferuar në “Old Trafford”, pritet ta bëjë më të lehtë gjetjen e marrëveshjes mes dy klubeve.