Shkodran Musftafi mund të largohet nga Arsenali, dhe ofertat në drejtim të mbrojtësit shqiptar nuk mungojë.
Mbrojtësi nuk po kalon një formë të mirë me londinezët, dhe ka filluar të mendojë largimin. Sipas asaj që shkruan “Daily Mirror”, ofertat për 27-vjeçarin nuk mungojnë, teksa Monako ka bërë një ofertë në drejtim të Arsenalit, për të marrë shërbimet e lojtarit.
Për momentin skuadra angleze nuk ka kthyer një përgjigje, dhe mendohet se shumë shpejt ata do të marrin një vendim për ofertën.
Edhe lojtarit do t’i pëlqente largimi nga “Emirates”, pasi për shkak të performancave jo të mira, ka humbur edhe simpatinë e tifozëve. Mustafi luan prej 3 sezonesh tek Arsenali, ku ka zhvilluar 112 ndeshje, dhe ka shënuar 8 gola, që nuk janë pak për një mbrojtës.
