Fabio Borini duket se nuk do të jetë më lojtar i Milanit, sezonin e ardhshëm.
Siç raporton “Tuttosport”, Kristal Palas dhe Bordo, janë dy skuadrat që janë interesuar për sulmuesin italian, deri në këto momente.
Ai është me “valixhe” në duar, pasi nuk do të jetë në planet e Xhampaolos në të ardhmen. Kështu që ofertat, në drejtim të Milanit do të shikohen të gjitha, pasi dëshira është për ta shitur lojtarin.
Kujtojmë që Borini iu bashkua kuqezinjve në sezonin 2017-2018 nga Sanderlandi. Vitin e parë në Milano, ai luajti 29 ndeshje në kampionat, ndërsa këtë sezon ai luajti 20.
