Sindrit Guri duket se ka ende një mundësi tek ekipi i Ostendes në Belgjikë.
Në miqësoren e ditës së sotme përballë Varegem, shkodrani ishte pikërisht protagonist.
Guri i dha barazimin ekipit të tij, me një gol në minutën e 56-të, teksa më parë ishte Varegem që kishte kaluar në avantazh në minutën e 45-të me Bjordal.
Ky ishte goli i parë për ish-sulmuesin e Kukësit, në këtë fazë përgatitore për sezonin e ri, teksa ai po përpiqet që të zërë një vend në formacion për edicionin që pritet të nisë.
