Partizani do të luajë të mërkurën ndeshjen e kthimit në Ligën e kampionëve, ku përballë do të ketë azerët e Karabakut. Në prag të këtij takimi, të kuqtë po i japin edhe dorën e fundit përgatitjeve para se të nisen për në drejtim të Azerbajxhanit.
Trajneri italian Franko Lerda, është i bindur se e pret një ndeshje e vështirë në Baku dhe se barazimi do të ishte një rezultat mjaft i mirë për ta. Një barazim me gola, i jep Partizanit automatikisht kualifikimin në turin e dytë, ndërkohë që 0-0 e çon ndeshjen në shtesa.
Kështu, trajneri Lerda ka nisur të mendojë edhe në rast se ndeshja shkon 0-0. Në stërvitjet e fundit të Partizanit, ai ka praktikuar edhe goditjen e penalltive, duke marrë masa për çdo rezultat ndaj Karabakut. Besimi në kampin e kuq, është i madh dhe vetë Lerda e pranoi këtë në intervistë për mediat ku pranoi se skuadra shkon në Baku për kualifikim.
