“Telenovela” Griezmann po shkon drejt fundit.
Barcelona po bën hapat finale drejt transferimit të lojtarit francez dhe sipas raportimeve të fundit, nesër pritet që të paguhet klauzola e tij me vlerë 120 milionë euro, ku të pranishëm do të jenë vetëm avokatët e lojtarit.
Por, në prag të transferimit të tij në ‘Camp Nou’, situata nuk është aspak e qetë dhe Barcelona po merr të gjitha masat që gjërat të mos shkojnë keq.
Sipas ‘Marca’, skuadra katalane po planifikon që prezantimin e lojtarit ta bëjë pa praninë e tifozëve kjo për të shmangur ndonjë incident të mundshëm.
Kampioni i botës nuk preferohet nga tifozët katalanas të cilët janë të zhgënjyer pas ‘tradhtisë’ që lojtari i bëri Barcelonës vitin e kaluar.
Griezmann ishte shumë afër marrëveshjes me katalanët, para se të rinovonte kontratën e tij me Atletico Madrid.
