Vinisius Zhunior dhe Rodrigo, nuk do të jenë nën urdhërat e Zinedin Zidan në sezonin e ri.Sipas asaj qw shkruan “AS”,të dy brazilianët do të jenë nën urdhrat e Raul Gonzales, tek Real Madridi B, i cili militon në divizionin e tretë në Spanjë. Të dy lojtarët do të luajnë me ekipin B, në mënyrë që të fitojnë përvojë për skuadrën e parë.
Momentalisht lojtarët po stërviten me skuadrën e parë nën urdhrat e Zidan, të cilët po bëjnë përgatitjet për sezonin e ri, por menjëherë pas përfundimit të përgatitjeve ata do të vihen nën urdhrat e një legjende tjetër si Raul.
Rodrigo u ble këtë sezon nga Santos, dhe shihet si një investim i mirë për të ardhmen, njëjtë si Vinisius i cili u transferua një vit më parë nga Flamengo.