Luka Pelegrini do të largohet nga Juventusi, pasi bardhezinjtë kanë vendosur ta huazojnë atë përsëri tek Kaljari.
Mbrojtësi i majtë kaloi tek “Zonja e Vjetër”, si pjesë e marrëveshjes për transferimin e Spinacolës te Roma. 20-vjeçari luajti 6 muajt e fundit te Kaljari, ku ishte i huazuar nga verdhekuqtë, dhe tani mund të rikthehet përsëri aty.
Të dyja palët janë në bisedime, dhe marrëveshja është shumë afër, me bardhezinjtë që kanë pranuar ta huazojnë për 1 sezon. Drejtuesit nga Sardenja madje pranojnë që ta paguajnë të gjithë rrogën e lojtarit, e cila është 1.5 milionë euro në sezon. Duke parë konkurrencën e madhe tek bardhezinjtë, huazimi edhe për një vit do të ishte shumë i mirë për lojtarin.