Angel Korrea shumë shpejt do të jetë një lojtar i Milanit, pasi çdo gjë është drejt përfundimit.
Sipas asaj që shkruan “Cadena Ser”, Milani dhe Atletiko Madridi kanë arritur marrëveshjen tashmë, dhe lojtari ditët e ardhshme do të kalojë në Itali. Falë bonuseve, kuqezinjtë do të plotësojnë kërkesën fillestare të madrilenëve, e cila ishte 55 milionë euro.
Tani kanë mbetur vetëm detajet e fundit, për tu mbyllur negociatat, dhe Xhampaolo do të ketë nën urdhrat e tij, sulmuesin që kërkonte prej kohësh. Atletiko Madridi ka gjetur zëvendësuesin e 24-vjeçarit, teksa ka arritur akordin me Valencian për transferimin e Rodrigo, në “Uanda Metropolitano”.
Zëvendësuesi i sulmuesit të Spanjës, te Valencia mund të jetë pikërisht sulmuesi i Milanit, Andre Silva, për të cilin drejtuesit spanjoll kanë shfaqur interes kohët e fundit.