Mario Baloteli pas përfundimit të sezonit është një lojtar i lirë, dhe po kërkon një skuadër të re për të vazhduar karrierën e tij.
Kohët e fundit qarkullonte lajmi se italiani kishte arritur marrëveshjen me Flamengon, dhe ishte shumë afër kalimit në kampionatin brazilian. Por, mesa duket lojtari ka refuzuar të transferohet në Brazil, dhe do të vazhdojë karrierën e tij në Itali.
Sipas gazetarit të njohur italian Xhianluka Di Marcio, sulmuesi do të bashkohet me Breshian, teksa është arritur marrëveshja midis të dyja palëve.
29-vjeçari do të firmosë një kontratë 3-vjeçare me 1 milionë euro në sezon, e cila bashkë me bonuset mund të bëhet 3 milionë euro në vit. Në këtë mënyrë Baloteli do të rikthehet në Serie A, ku më parë ka luajtur për Interin dhe Milanin.
