Liga e Kampionëve ka hyrë në një fazë të nxehtë, duke qenë se në turet eliminatore para fazës në grupe, janë shumë skuadra me emër që kërkojnë grupet e Championsit.
I tillë është edhe Ajaxi që i duhet të fitojë sot ndaj PAOK-ut, pasi ndeshjen e kaluar ka barazuar në transfertë me rezultatin 2-2. Barazimi pa gola ose edhe 1-1, i jep holandezëve kualifikimin, megjithatë asnjëra skuadër nuk do ta ketë të lehtë.
Sakaq, Qarabagu që eliminoi Partizanin do të përballet me APOEL-in, ish-skuadrën e Tramexanit që u shkarkua menjëherë pasi ekipi i tij u mund me rezultatin 1-2 në shtëpi.
Takim interesant do të jetë edhe ai mes LASK dhe Baselit, ku austriakët kanë fituar në Zvicër 1-2 dhe tashmë u duhet të menaxhojnë, ndërkohë që Baseli kërkon përmbysjen.
Ndeshje të vështirë ka edhe Dinamo Zagreb që luan ndaj Ferencvaroshit në Hungari.
Takimi i parë është mbyllur në barazim 1-1 duke lënë gjithçka të hapur për ndeshjen e kthimit, ndërkohë që pak më të lehtë e ka Porto që ka mundur në Rusi ekipin e Krasnodarit me rezultatin 1-0.
Më poshtë mund të shihni ndeshjet që do të luhen sot.
