Mourinho është rikthyer në Premier League, këtë herë jo si trajner por si analist sportiv në “Sky Sport”.
Që në fillim të saj ai është bërë protagonist me një deklaratë.
Ai u pyet nga gazetarët se cilat nga skuadrat këtë sezon janë pretendente për të fituar titullin. Përgjigja e portugezit ishte vërtetë thumbuese, për dy ish skuadrat e tij United dhe Chelesa.
“Katër. Manchester City, Tottenham, Liverpool dhe Manchester City B”, tha “Special One”, duke preferuar të përfshijë dy herë skuadrën e Pep Guardiola, që edhe stolin e rezervave e ka me yje.
Ndërkohë që United sipas tij s’ka shanse të dalë kampion, madje as Chelsea.
“Sot, të luash shkëlqyeshëm, apo të marrësh një rezultat fantastik, nuk mendoj se titulli është i mundshëm”, vijoi më tej ish-trajneri i United.