Andrea Doviciozo arrin të fitoji çmimin e madh të Austrisë, duke mposhtur rivalin spanjoll Mark Markez, ky duel në fundin e tij ishte vërtet dramatik.
Dueli midis tyre u pa që në fillim të garës, teksa ishte Doviciozo që mori kryesimin pas kthesave të para. Ndërkohë, Markez arriti të kalonte më pas gjatë garës. Megjithatë, emocionet e vërteta ishin ruajtur për në fund.
Markez po udhëhiqte garën në xhiron e saj të fundit dhe ishte duke shkuar triumfator në finish, mirëpo veterani Doviciozo i tregoi aftësitë e tij, duke parakaluar mjeshtërisht Markezin në kthesën e fundit.
Vendi i tretë për Kuartararo, ndërsa në të katërtin pozicion renditet legjenda e këtij sporti Valentino Rosi.
