Toni Kros do të hyjë në sezonin e gjatë me Realin këtë vit, dhe gjatë gjithë kësaj kohe, ka qenë një nga lojtarët kryesorë të kësaj skuadre.
Mesfushori gjerman ka folur në një intervistë, ku tregon për gjendjen e mëparëshme, dhe atë aktuale të ekipit: “Ne duhet të luajmë mirë në vazhdimësi, kjo është pjesa kryesore, të tjerat vijnë pas kësaj. Nëse luajmë mirë atëherë do të luftojmë edhe për tituj. Edhe nëse në Ligën e Kampionëve, disa detaje të vogla janë vendimtare. Nuk është e thjeshtë të marrësh një ekip atje ku e la Zidani, është e vështirë të arrish në atë nivel. Kur trajneri u kthye në mars 2019, situata ishte shumë ndryshe nga ajo që ai la në maj 2018. Për teknikun ishte një kohë e vështirë për t’u rikthyer, pasi gjithçka kishte humbur.”, u shpreh 29-vjeçari.
Drejtuesit dhe tifozët e Realit shpresojnë se me rikthimin e Zidanit, dhe merkatos së madhe që kanë bërë, do të arrijnë përsëri suksese të mëdha, siç është fitimi i Ligës së Kampionëve, apo edhe La Liga.