Futboll La Liga Sport

E BUJSHME NGA SPANJA/ “Pleshti” telefonon Neymar: Do vish te ne, nuk ke punë tek…

“Do vish te ne, nuk ke punë te Reali i Madridit”. Këto kanë qenë pak a shumë fjalët që Lionel Messi i ka thënë Neymarit menjëherë sapo është zbuluar interesi maksimal i Los Blancos për brazilianin.

5 herë fituesi i “Topit të Artë” e ka të pamundur të pranojë që një “ish” i Barçës me të cilin ka ndarë momente lavdie dhe zhgënjime të jetë në krahun tjetër të El Classicos dhe jo me fanellën blaugrana.

E përditshmja madrilene “Marca” ka zbuluar se ka pasur një telefonatë mes numrit 10 të katalanasve dhe sulmuesit të PSG dhe argjentinasi ka qenë i qartë në fjalët e tij.

Në çastin kur në vitin 2017-të Neymar u largua në drejtim të PSG u përfol se një nga arsyet ishte Messi dhe fakti që tek Barça “La Pucla” do të ishte gjithnjë violina e parë, por koha ka treguar se nuk ka pasur asnjë krisje mes të dyve përkundrazi kanë një marrëdhënie mjaft të mirë shoqërore së bashku edhe me Suarez.

Edhe dëshira e 27-vjeçarit është të rikthehet tek blaugranët dhe jo të nënshkruajë me klubin 13 herë kampion të Europës.

Për të kënaqur edhe vetë futbollistin po përflitet orët e fundit që PSG është duke diskutuar me Barcelonën dhe akordi për rikthimin e Neymar në “Camp Nou” nuk është shumë larg konkretizimit.

Related posts

Rrëfimi tronditës i gjyqtarit shqiptar: Kam gjetur një plumb në dhomat e zhveshjes

Q.Autor

Neymar te Real Madrid, gjithçka vendoset nga Ronaldo

Q.Autor

Daniel Godelli nuk duron më, mesazh i qartë për KOKSH-in

Sadik.Autor

Leave a Comment