Manchester United ka zyrtarizuar blerjen e Harry Maguire nga Leicester.
Maguire ka nënshkruar një kontratë gjashtë vjeçare, me mundësinë që të zgjasë edhe për një vit.
Në fjalët e tij të para Meguire u shpreh shumë i lumtur që kishte nënshkruar me një klub të shkëlqyeshëm.
“Jam i lumtur që kam nënshkruar për këtë klub të shkëlqyeshëm. Unë e kam shijuar plotësisht kohën time në Leicester dhe do të doja të falënderoja të gjithë në klub, dhe tifozët, për mbështetjen e tyre fantastike gjatë dy sezoneve të kaluara”. Mbojtësi ka zhvilluar 76 paraqitje dhe ka shënuar 5 gola.
”Sidoqoftë, kur Manchester United vjen duke trokitur në derën tuaj, është një mundësi e jashtëzakonshme”, ishin fjalët e para të anglezit si lojtar i ‘Djajve të Kuq’.
Transferimi i Harry Maguire ka thyer rekord botëror, duke u bërë mbrojtësi më i shtrenjtë në botë (90 mln euro). 
