Vllaznia në futboll për femra shkruan historinë.
Ekipi shkodran i drejtuar nga Nikolin Leka ka siguruar fazën emocionuese të UEFA Champions League, teksa kanë marrë pikën e mjaftueshme për të kaluar fazën e grupeve. Goli i Megi Doçit nga pika e bardhë e penalltisë i dha të drejtë shkodraneve për të festuar, pasi deri në minutën e 78-të ishin të eliminuara.
Kjo për shkak se Gintra po udhëhiqte me golin e Gudchenko dhe ishte ajo që kalonte më tej. Mbetet për tu parë se kush do të jetë kundërshtarja e radhës për ekipin shkodran, që futet në histori si skuadra e parë shqiptare e futbollit të femrave që kalon një fazë të Kupave të Europës.
