Huan Miranda është lojtari më i ri i Shalkes, teksa ka kompletuar kalimin e tij te gjermanët.
Mbrojtësi i majtë do të luaj për 2 sezone i huazuar në Bundesligë më pas do të rikthehet përsëri te Barcelona. Drejtuesit katalanas kanë besim në aftësitë e 19-vjeçarit dhe shpresojnë se ai do të marrë eksperiencën e duhur në Gjermani, për tu rikthyer më pas në La Liga.
Për lojtarin interesohej edhe Juventusi, por bardhezinjtë nuk arritën një marrëveshje me Barcelonës dhe tani lojtari do të vazhdojë karrierën në “Veltins Arena”.
Menjëherë pas zyrtarizimit ka folur edhe vetë lojtari, i cili shprehet: “ Jam shumë i lumtur për besimin e treguar nga klubi, tani shpresoj të jap kontributin tim për një sezon të shkëlqyer.”, theksoi mbrojtësi spanjoll.
