Në prag të ndeshjes kundër Feronikelit, e cila do të zhvillohet ditën e sotme në stadiumin “Fadil Vokrri”, duke filluar nga ora 20:45, kapiteni i Milanit, Alessio Romagnoli ka dhënë një intervistë të shkurtër për “RTV Dukagjinin”, ku deklaroi:
Cila është përshtypja e parë për Kosovën, dhe për tifozët e Milanit këtu?
Jam shumë i kënaqur dhe krenar që ndodhemi këtu sot. Ndihem shumë i lumtur që kam parë shumë tifozë të Milanit. Besoj që sonte ata do të kënaqen, dhe ky gëzim do t’i shoqërojë ata edhe më tutje.
Çfarë prisni nga përballja e sotme me Feronikelin?
Meqenëse në jemi në fazën përgatitore, besoj që do të jetë një lojë shumë e mirë, dhe të gjithë do të kënaqen duke e parë këtë ndeshje.
