Ditën e nesërme do të luhet ndeshja midis Çelsit dhe Liverpulit, sfidë kjo e vlefshme për Superkupën e Europës.
Në prag të kësaj sfide trajneri i bluve Frenk Lampard, ka dalë në një konferncë për shtyp, ku është shprehur: “Unë jam optimist sepse kam besim te lojtarët dhe ne jemi këtu sepse e meritojmë. Jam i vetëdijshëm për forcën e kundërshtarëve tanë, të cilët kanë fituar Ligën e Kampionëve me meritë. Ata kanë një trajner fantastik dhe një grup lojtarësh të shkëlqyer, por nëse japim më të mirën mund ta fitojmë këtë ndeshje. Liverpuli është një ekip ndryshe nga Junajtid, dhe do të duhet të ndryshojmë qasjen tonë pak, pasi ky trofe do të thotë shumë për klubin. Për një ekip si Çelsi është e rëndësishme që gjithmonë të jepni maksimumin, dhe të përpiqeni të fitoni.”, u shpreh tekniku anglez.
Kujtojmë se Lampard debutoi me humbje në Premier Ligë, ku vetëm pak ditë më parë u mposht nga Mançester Junajtid, më rezultatin e thellë 4-0.