Ditën e sotme, pas ndeshjes miqësore ndaj anglezëve të Bournemuth, Lazio do të nisë fazën e dytë të përgatitoreve, teksa ekipi do të jetë i grumbulluar dhe do të udhëtojë drejt Gjermanisë.
Në listën e lojtarëve të grumbulluar bie në sy edhe prezenca e portierit të ri shqiptar, Marko Alia.
Ai është pjesë e të rinjve të Lazios, megjithatë tekniku Inzaghi i ka dhënë shansin për të fituar më shumë eksperiencë, teksa do të stërvitet së bashku me titullarin e padiskutueshëm të kryeqytetasve, Thomas Strakosha.
Ndërkaq, në listë është përfshirë edhe mesfushori i përfaqësueses së Kosovës, Valon Berisha.
Lojtari vjen nga një dëmtim i pësuar në fundin e sezonit të kaluar, megjithatë duket se e ka lënë pas dhe është gati të marrë ngarkesë të plotë.