Drejtuesit e skuadrës së Interit po kërkojnë me ngulm largimin Icardit. Juventusi ka shprehur dëshirën për transferimin e tij.
Sipas medieve italiane, juventinët e kanë gjetur gjuhën e përbashkët me drejtuesit e skuadrës “zikaltër” për çmimin që duhet të paguajnë, mirëpo i ka mbetur pa zgjidhur një çështje me lojtarin.
Drejtuesit e skuadrës së “Zonjës së Vjetër” i kanë komunikuar Icardit se nëse dëshiron të vish në Torino, duhet që të largosh si agjente Wanda Narën. I ndodhur përballë këtij fakti sulmuesi argjentinas nuk ka vendosur akoma që t’iu bashkohet torinezëve.
Së fundmi në garë për shërbimet e 26 vjeçarit është futur dhe Roma, e cila e ka marrë shumë seriozisht këtë çështje. Drejtuesit e skuadrës “verdhekuqe” i kanë ofruar interit 40 milion euro plus shërbimet e Edin Dzekos, për të cilin Conte ka shprehur admirimin e tij.
Tani i mbetet lojtarit të vendos se cilën do të zgjedh, por dëshirën Mauro e ka shprehur me kohë, dhe klubi që atij i pëlqen është ai “bardhezi”.
