Pasi siguruan Nicolas Pepe për sulmin, tani Arsenali po punon për të përforcuar repartet e tjera.
Reparti që ka më shumë nevojë për ndërhyrje është mbrojtja, dhe drejtuesit e kanë gjetur tashmë lojtarin e kërkuar. Sipas asaj që shkruan “The Guardian”, Arsenali ka nisur kontaktet me Laipcigun, për të transferuar mbrojtësin, Dajot Upamekano.
Thuhet se londinezët kanë bërë një ofertë prej 60 milionë eurosh për 20-vjeçarin, dhe shpresonin të arrinin një marrëveshje. Por, kjo ofertë është refuzuar nga gjermanët pasi e konsiderojnë të ulët, për lojtarin që ata duan të paktën 80 milionë euro.
Kujtojmë se për lojtarin interesohej edhe Milani, por kuqezinjtë nuk arritën një marrëveshje me skuadrën e Bundesligës, dhe më pas transferuan mbrojtësin brazilian, Duarte.
