Ndeshjet miqësore pretendohet t’i shërbejnë trajnerëve për të provuar futbollistë të rinj të cilët mund të jenë afruar në merkato, ose edhe për të mbajtur skuadrën e karikuar, por kjo nuk ka ndodhur në Kosovë. Në ndeshjen miqësore mes Rahoveci dhe Bashkimit, ka pasur një sherr masiv ku nuk kanë munguar grushtet që kanë çuar në anulimin e ndeshjes.
Futbollistët e Bashkimit, e kanë marrë ndeshjen më seriozisht seç duhet duke luajtur ashpër që nga minuta e parë, lajm ky i raportuar nga “Rahovec Post”. Sakaq, në minutën e 60 të takimit, kur rezultati ishte 3-0 në favor të vendasve, futbollistët e Bashkimit kanë reaguar ashpër duke krijuar rrëmujë.
Sakaq, situata ka dalë jashtë kontrollit dhe ka plasur grushti, aty ku arbitri Zymer Elshani është detyruar të ndërpresë ndeshjen për të mos e vazhduar më. Sakaq, kanë munguar reagimet nga të dyja skuadra dhe deri më tani, askush nuk e ka dhënë versionin e tij për ngjarjen.
