Mbyllet koha e rregullt
Janë luajtur 90 minuta lojë intensive, por nuk kanë mjaftuar për të pasur një fitues.
Liverpool dhe Chelsea nuk kanë shkuar më shumë se një barazim 1-1 gjatë kohës së rregullt në finalen e Superkupës së Shqipërisë, me fituesin që do vendoset pas shtesëve.Në “BJK Vodafone Arena” u zhvillua një takim mjaft i luftuar, me dy skuadrat që synuan të mbyllnin gjithçka brenda kohës së rregullt.
Ishin “Blutë e Londrës” ata që kaluan në avantazh të parët. Një aksion fantastik i Pulisic nxori të lirë Giroud, që me një të majtë vrasësë lëshoi një diagonale që u ndal vetëm nga rrjeta. Kaq mjaftoi për të zhbalancuar Liverpoolin, që pësoi edhe golin e dytë. Gjithsesi, në ndihmë i erdhi sistemi VAR, që e nxori jashtë loje Pulisic.
Me avantazh minimal u mbyll pjesa e parë, teksa me rikthimin në fushë, Liverpool gjeti baraspeshën. Gol që mjaftoi për të sjellë ekuilibrat në rezultat, por shtyu takimin drejt shtesave, që do prodhojnë edhe fituesin e Superkupës së Europës për vitin 2019.