Liverpooli është fituesja e Superkupës së Europës.
Të besuarit e Jurgen Kloppit u treguan më të saktë nga pika e bardhë e penalltisë duke mposhtur Chelsean në finalen e parë evropiane për këtë sezon.
Liverpooli ka arritur këtë sukses për herë të katërt në histori të klubit ndërsa Tammy Abraham ishte fytyra tragjike e bluve londinezë pasi humbi penalltinë e fundit.
120 minuta lojë nuk mjaftuan për të nxjerrë fituesin, ndërsa golat gjatë lojës u shënuan nga Olivier Giroud, Jorginho (penallti) dhe për “Redsat” realizoi dy herë Sadio Mane.
Vlen të theksojmë që minutat e fundit të pjesës së dytë dhe në shtesë loja pësoi një ritëm të ulët për shkak të kondicionit fizik të lojtarëve.
