E ardhmja e Neymar JR është kthyer në një hit të vërtetë në merkaton e kësaj vere. Ylli brazilian shihet sa afër aq edhe larg Paris Saint Germain, me Barcelonën që vijon të përpilojë oferta dhe t’i dërgojë në dyert e francezëve.
Megjithatë, këtë herë ka qënë PSG që i është “përveshur” Barcelonës duke i kërkuar 3 futbollistë si dhe një shumë të konsiderueshme për ta lënë të lirë 27 vjeçarin që të transferohet në “Camp Nou”.
Sipas “Mundo Deportivo”, PSG ka kërkuar në këmbim të brazilianit, kartonat e Ousmane Dembele, Ivan Rakitic, Jean-Clair Todibo dhe një shumë të konsiderueshme parash për Neymar. PSG e vlerëson brazilianin me rreth 215 milionë euro, shifër e cila mund ta detyrojë Barcelonën që të heq dorë nga ndjekja e tij.
