Kristof Henrotai është arrestuar ditën e sotme në Monako, pasi akuzohet për pastrim parash dhe korrupsion në transferimin e lojtarëve.
Në prillin e kaluar u deklarua se transferimi i Aleksandër Mitroviç, nga Anderlehti te Njukastëlli në vitin 2015, është nën hetim. Pas disa kohëve në hetim, ditën e djeshme ka nisur edhe operacioni i policisë për të arrestuar të akuzuarit.
Disa prokurorë nga Brukseli kanë konfirmuar se operacioni është bërë në Monako, Belgjikë dhe Londër, teksa ditën e djeshme dhe sot janë arrestuar 2 persona. Kristof Henrotai është agjenti i sulmuesit serb, Aleksandër Mitroviç dhe portierit të Real Madridit, Tibo Kurtua, dhe është arrestuar pasi akuzohet për pastrim parash.
Operacioni do të vashdojë akoma pasi ka edhe persona të tjerë që akuzohen, për pastrim parash dhe korrupsion në transferimin e lojtarëve, në futboll.