Milani nuk e ka nisur aspak mirë rrugëtimin e tij në edicionin e ri të Serie A, duke marrë vetëm gjashtë pikë nga gjashtë ndeshjet e para.
Mbrëmë kuqezinjtë kanë regjistruar humbjen e tretë radhazi në kampionat, duke u mposhtur nga Fiorentina.
Rezultatet negative kanë bërë që presioni mbi trajnerin Giampaolo të jetë maksimal, madje së fundmi kanë filluar edhe të përmenden emra konkret për zëvendësuesin e tij.
“Calciomercato” shkruan se Allegri mund të jetë njeriu që do të marrë drejtimin e Milanit.
Allegri ka korrur suksese të mëdha viteve të fundit në Serie A me skuadrën e Juventusit, teksa ai ishte nën drejtimin e Milanit edhe kur skuadra shpallej kampione për herë të fundit.