Është komunikuar këtë të enjte vendimi i Federatës Spanjolle të Futbollit në lidhje me pretendimin dhe akuzat e Atletico Madrid ndaj Barcelonës, për shkelje të rregullores në transferimin e francezit Antoine Griezmann.
Katalanasit paguan 120 milionë euro për transferimin e kampionit të botës në fuqi, ndërsa madrilenët pretendojnë 200 milionë, me arsyetimin se Barça ka nënshkruar me sulmuesin para afatit që reduktonte klauzolën e largimit të tij.
Vendimi i Federatës Spanjolle ka shpallur fajtor blaugranat për parregullsi në procedura, por pa mundur dot të vërtetojnë nënshkrimin e kontratës me Griezmann jashtë afatit të përcaktuar, duke penalizuar katalanait me një gjobë qesharake prej vetëm 300 euro.
Një masë administrative, që ndonëse e papërfillshme për kampionët në fuqi të Spanjës, sipas raportimeve të medias spanjolle, “Mundo Deportivo”, do të apelohet nga drejtuesit e klubit katalanas për motivin e vetëm: atë parimor, për sa kohë nuk mund të provohen parregullsi.
