Barcelona u ndal me barazim pa gola ndaj Borusisë së Dortmundit në një ndeshje që u dominua nga ekipi gjerman.
Forma e dobët e skuadrës katalanase ka qenë evidente edhe në La Liga ku nga 4 ndeshje ka grumbulluar vetëm 7 pikë dhe renditet në vendin e 5-të.
Prej 5 muajsh, Barcelona nuk ka arritur të fitojë në transfertë, pasi hera e fundit që katalanasit triumfuan larg “Camp Nou” ishte 23 prilli ku mposhtën 0-2 Alavesin.
Që atëherë, djemtë e Valverdes nuk kanë mundur ta gjejnë rrugën e fitores në një ndeshje në transfertë.
