Mesfushori i Lazios, Valon Berisha, ka komentuar humbjen nga Cluj në Europa League.
Skuadra italiane ishte në epërsi të një goli, por u përmbys nga rumunët në humbjen 2-1.
“Kjo ishte një ndeshje shumë e rëndësishme për ne”, deklaroi Berisha për uebfaqen zyrtare të Lazios.
Mesfushori i Kosovës e nisi ndeshjen si titullar për t’u zëvendësuar në minutën e 67-të.
“Pjesën e parë e luajtëm mirë, shënuam gol dhe kaluam në epërsi. Pastaj kemi pësuar gol nga një penallti e dyshimtë, kurse në pjesën e dytë kishim telashe edhe për shkak të atmosferës në stadium”, shtoi ai.
“Pasi pësuam golin e dytë, të gjithë e dinim se çfarë ndodhi”, theksoi Berisha.