Zhoze Murinjo prej dhjetorit të kaluar është i papunë, pasi u shkarkua nga Mnaçester Junajtid dhe është në kërkim të një skuadre të re për të ushtruar profesionin e tij.
Kohët e fundit qarkullojnë lajme se mund të marrë drejtimin e Real Madridit, për shkak të rezultateve të dobëta të Zinedin Zidan. Ditën e sotme tekniku portugez është i ftuar në emisionin italian “Tiki Taka”, ku do të flasë për disa çështje.
Në reklamën që ka publikuar nga emisioni italian, shihen disa nga çështjet për të cilat flet 56-vjeçari: “Interi është familja ime ndërsa Morati një mik dhe president shumë i mirë. Fitimi i tripletës me zikaltërit ishte fantastike. Pas fitimit të Ligës së Kampionëve në Madrid, nëse do të kthehesha në San Siro nuk do të largohesha kurrë nga Interi. Është e vështirë kur i thua lamtumirë një familje. Nuk mund t’i thoja jo Realit. E ardhmja? Besoj se nuk do të jetë në Itali.”, theksoi tekniku portugez.
Më shumë rreth intervistës do të mësojmë mbrëmjen e sotme pas orës 23:40, kur do të transmetohet edhe emisioni italian.
