Është zbulim i trajnerit Daja dhe jo rastësisht, por shkëlqen te Partizani… Arinaldo Rrapaj është shndërruar menjëherë në një titullar te “demat” dhe po lë në stol lojtarë si Herald Marku e Valentino Murataj, që kanë luajtur titullarë në Kupat e Europës.
Në krah të Kaçes dhe Malës, duket se Rrapaj është përshtatur më së miri. Edhe kundër Kukësit, sfidë të cilën verilindorët e dominuan në mesfushë, ishte pikërisht Rrapaj ai që luftonte për çdo top dhe ndërtonte gjithçka, duke qenë “gjenerali” i ri i Partizanit.
Vetëm 20 vjeç dhe e ardhmja e mesfushorit të talentuar duket shumë premtuese. Edhe besimi nga Daja nuk i mungon dhe duket se gjithçka po shkon më së miri për Rrapajn.
