Partizani dhe Flamurtari zhvilluan mes tyre në “Selman Stërmasi” ndeshjen e javës së tretë të Kategorisë Superiore.
Të kuqtë fituan me mjaft vuajtje minimalisht 1-0, por gjithsesi morën tri pikët e çmuara.
Në minutën e 23-të Solomon kaloi të kuqtë në avantazh, duke shënuar me një devijim të lehtë në portën mike.
Por, ishte pikërisht autori i golit, i cili në minutën e 29-të kryen një roveshiatë brenda zone dhe godet në mënyrë të pavullnetshme mbrojtësin e Flamurtarit, që dëmtohet dhe rrëzohet në tokë.
Gjyqtari përveç faullit në zonën e vlonjatëve, nxjerr nga xhepi kartonin e kuq për Solomon, i cili lë me 10 vetë ekipin e tij.
Të kuqtë menaxhojnë rezultatin gjatë pjesës së mbetur dhe marrin fitoren e dytë radhazi, pas asaj në transfertë me Luftëtarin, ndërsa Flamurtari pëson humbjen e tretë në po kaq ndeshje.
