U mbyll në mënyrë tragjike gara e Belgjikës në Formula 2. Piloti Anthoine Hubert ka ndërruar jetë pas atij aksidenti në pistën e Radillon.
Piloti 22-vjeçar u përplas me makinën e Juan Manuel Correa, që më parë ishte përplasur me muret mbrojtëse.
Ky i fundit i shpëtoi vdekjes edhe pse mori dëmtime të shumta. Pasojat ishin fraktura në të dyja këmbët dhe një shembje në kollonën vertebrale.
Correa u transportua me urgjencë në spitalin CHU të Liezhit, ku iu nënshtrua menjëherë operacionit, në të dyja këmbët.
Mjekët bënë një mrekulli, duke ia shpëtuar të dyja, pasi piloti rrezikonte të humbiste përdorimin e tyre përgjithnjë dhe të paralizohej.
Operacioni që nisi gjatë mbrëmjes ka përfunduar në orën 3 të mëngjesit dhe pati rezultat pozitiv. Gjithsesi, spitali njofton se piloti ndodhet ende në terapi intensive pas operacionit.
