Flamurtari regjistroi një tjetër humbje në kampionat, teksa u mposht me rezultatin 2-1 nga Luftëtari. Në prononcimin pas ndeshjes, trajneri Dritan Sadedini u shpreh:
“Jemi përmirësuar nga ana fizike dhe taktike. Nuk e mendoja që ekipi do sillej në këtë formë. Është e drejtë që Luftëtari e meritoi fitoren. Gabojmë shumë! Pushimi na ndihmoi të rriteshim fizikisht dhe taktikisht. Rezultatet nuk po na shoqërojnë. Nuk është mirë as për Flamurtarin, as për njeri tjetër kjo gjendje.
Nuk ke çfarë ndryshoj te kjo skuadër. Pak a shumë këta janë lojtarët. Do të mundohemi të marrim maksimumin. Goli i dytë që pësuam ishte katastrofë. Presim të vijnë lojtarë të rinj”, u shpreh Sadedini.
